Ве извадија од такт? Смирете се веднаш

Сите сме се нашле во ситуација кога нешто или некој успеал да не извади од такт и да предизвика нервоза и стрес. За среќа, постојат брзи решенија за смирување на стресот кои може да се практикуваат било каде

  1. Масирајте ги рацете

Можете да го правите без претходно знаење или вежбање, и додека седите на вашата работна маса. Едноставно со палецот од едната рака притиснете ја другата. Оваа вежба веднаш ќе ве опушти.

  1. Затворете ги очите

Околу 80 проценти од луѓето добиваат најголема стимулација преку сетилото за вид, па неколку моменти со спуштени очни капаци ќе му дозволат на мозокот да се одмори. Авторот на книгата „Исклучително чувствителни луѓе“, д-р Елејн Арон, напоменува дека за време на истражувањето дошла до заклучок дека хиперсензитивните луѓе страдаат помалку од стрес ако успеат да ги задржат очите (преку ноќ) затворени девет часа.

  1. Испуштајте звуци

Кога сте во ситуација кога повеќе не можете да се носите со стресот и немате каде да избегате, затворете се во канцеларијата или тоалет, длабоко вдишувајте, бројте до пет и со издишувањето испуштете гласен звук. Оваа техника ја користат психолозите на сеанси, а така ќе ја вратите и енергијата и повторно ќе воспоставите баланс.

  1. Гушнете се самите себе

Знаете ли дека десет секунди прегратка може да ги промени психолошките „сили“ во телото, што може да ги намалат шансите за развој на сериозни болести, а, секако, ќе ви помогне и да се справите со стресот. Ако немате некој во близина, прегрнете се околу половината и силно притискајте – така ќе добиете чувство на стабилност.

  1. Туркајте го ѕидот

Ако некогаш сте очекувале земјотрес на работа или во семејството, ќе знаете зошто оваа вежба е добра. Едноставно застанете покрај ѕидот, испружете ги рацете и со сета сила туркајте го ѕидот околу 5 секунди. Пренесувањето на целата физичка сила на стабилен објект дејствува стабилизирачки на човекот, дури и на потсвесно ниво.

ПОВРЗАНИ НАПИСИПОВЕЌЕ ОД АВТОРОТ