Во стомачната шуплина се наоѓаат многу органи, што не е лесно да се одреди кога изворот на болка е токму желудникот. Помош во одредувањето на изворот на болка, може да биде лоцирањето на болкта според одредени секции.
БОЛКА БИЛО КАДЕ ВО ГРАДНИОТ КОШ, зад градната коска или во грлото, тоа може да биде последица на лоша дигестија или варење, може да се работи за грч предизвикан од плитко дишење, хијатална хернија (или кила), жиговина или воспаление на хранопроводот.
БОЛКА ОКОЛУ ГРАДНАТА КОСКА ВО ГОРНИОТ ДЕЛ ОД СТОМАЧНАТА ШУПЛИНА може да биде последица на вирусна инфекција која може да предизвика воспаление и болка типични за состојба која се нарекува борнхоломска болест. Како и останатите вирусни инфекции, и оваа минува со мирување, опуштање, внесување доволно течности, консумирање хранливи супи и природен витамин Ц.
БОЛКАТА ВО ГРАДИТЕ треба да ја сфатите сериозно оти може да се работи за рани симптоми на срцев удар, особено ако болката е проследена и со болки во рацете.
БОЛКА БО ЛЕВИОТ ГОРЕН ИЛИ ДОЛЕН ДЕЛ ОД СТОМАКОТ, може да укажува на дивертикуларна болест, запек, улцерозен колитис или синдром на надразнети црева.
ПРИТИСОКОТ ВО СТОМАКОТ ПРЕДИЗВИКАН ОД ГАСОВИ, може да биде многу болен и да залажува. Не само што го отежнува секое движење, туку може да закамуфлира болка предизвикана од камења во жолчката, воспаление на слепото црево, па дури и срцев удар.
БОЛКА ЗАД ЛОПАТКАТА може да укажува на проблеми со жолчниот меур. Доколку го зафаќа десниот долен квадрант можно е да се работи за гастритис, камења во жолчката, чир или хернија.
БОЛКА ВО ДОЛНИОТ ДЕЛ НА ГРБОТ ИЛИ ДОЛНИОТ ДЕЛ ОД СТОМАКОТ може да укажува на проблеми со работата на бубрезите, циститис, дивертикулус, или може да биде поврзана со менструални болки.
