Испуканите капилари се многу непријатна појава на кожата, а особено ако се појават на лицето. Безопасни се, но од естетски аспект нивната појава е она што на сите им пречи. Доколку спаѓате во групата на оние на кои капиларите им се проблем, можете решението да го пронајдете во кујната.
Капиларите всушност се крвни садови и до пукање доаѓа поради тоа што ѕидовите на крвните садови се стеснуваат и се шират за време на циркулацијата на крв. Некогаш капиларите сами се повлекуваат, но тоа обично долго трае. Лицата со светол тен се поподложни на појава на испукани капилари, отколку оние со потемен тен.
Познато е дека доматот е одличен за циркулацијата на срцето и на крвотокот, па не изненадува што токму сокот од домати може да се користи како природен лек против испукани капилари.
Земате неколку млади домати и исечкајте ги на парчиња. Ставете ги парчињата на местото каде се испукани капиларите и оставете ги да делуваат две до три минути. Потоа, со тапкање измијте ја кожата и нанесете крема за лице. Овој процес повторувајте го секој ден во траење од 10 дена и капилари ќе исчезнат многу брзо.
