Егземата е хронично воспаление на кожата, кое може да се јави и кај деца и кај возрасни. Најчести алергени виновни за појава на овој вид на егзема се домашната прашина, грини, пердуви и некои прехрамбени производи. Ваков тип на егзема се јавува периодично и често може да биде придружуван со други атописки состојби како што се астма и поленска треска.
Влијанието на храната како фактор го признава и официјалната медицина. Еден од најдобрите лекови за егзема е секако алкализирање на организмот и обнова на цревната флора, што се постигнува со добро избалансирана исхрана.
Интолеранцијата на храна како причинител
Еден од можните тригери за појава на егзема посебно кај децата е интолеранцијата на одредени продукти најчесто јајца и глутен. Причина за ваквата чувствителностможе да биде слабото варење поради намалената ефикасност за ензимите во органите за варење или намалената киселост на желудникот. Во таква ситуација, пропустливоста на цревата е зголемена, па протеините од храната влегуваат во крвотокот, што во нормални услови не се случува. На тој начин се создава имунолошки одговор на конкретен продукт, поради што органзимот не може повеќе да го поднесе. Така, со созревање на органите за варење, егземата кај децата може, но и не мора да се повлече бидејќи со тек на времето се намалува пропустливоста на цревната мембрана. Кај ваквите деца се спроведува посебен хигиенско-диететски режим.
Антибиотиците можен причинител
Постојат докази дека нарушувањата на цревната флора предизвикани од употреба на антибиотици и лоша исхрана може да биде причинител за појава на егзема. Тогаш се препорачува вклучување на пробиотици, чија цел е да се обнови цревната флора, а со самото тоа и да се делува на егземата.
Задолжителна pH диета
Се смета дека киселоста на организмот е еден од најчестите виновници за појава на егземата. Кога е исхраната во прашање, се смета дека шеќерот е најголем предизвкувач на киселоста на органзимот. Освен тоа, на списокот на продукти кои ја зголемуваат киселоста се наоѓаат и адитивите, секоја храна која содржи чеќери, емулгатори, премногу сол, вештачки бои и ароми, месни преработки, белка од јајца, млечни производи, пченица, бело брашно, млеко и млечни производи. Кисело pH имаат и мешунките, како и повеќето житарки, но тоа не значи дека треба да се исклучат од исхраната. Секојдневната исхрана треба да се основа на 80% од базни продукти и 20% од продукти кои имаат кисел pH. Во базни продукти спаѓаат на прво место лимонот, дињата, лукот, и останатиот зеленчук и овошје.
