Одделни животни навики можат да помогнат во ублажување на симптомите на ПМС:
- За почеток, редовно вежбајте – вежбањето го зголемува нивото на енергија, го подобрува расположението и ја намалува надуеноста;
- Исто така, јадете помали, а почести оброци. Одбегнувајте слатки, кофеин и алкохол, и тоа две недели пред почетокот на менструацијата, на овој начин ќе ја спречите нервозата и почестите промени во расположението кои можат да се поврзат со флуктуациите на шеќер во крвта;
- Еден од нутритиентите кои помагаат кај симптомите на ПМС е калциумот, според истражување од 2009 година жените кои земале два пати по 500 мг калциум дневно имале помалку проблеми со уморот и депресијата, отколку учесничките во експериментот кои дополнително не го земале овој минерал.
- Одделни намирници, исто така, можат да помогнат кај симптомите на ПМС, бананите, на пример, се богати со калиум и магнезиум кои ги ублажуваат грчевите. Исто така, семките од сончоглед и тиква претставуваат одлични извори на магнезиум и витамин Б6 кои, освен што ја намалуваат напнатоста, помагаат во стабилизирањето на расположението. При променливо расположение помагаат и омега-3 масните киселини со кои е богата морската риба како што се скушата, сардината и лососот, како и маслиновото масло и лененото и чија семето. Потоа црното чоколадо е добра алтернатива за вообичаените рафинирани слатки, што истовремено ќе помогне при замор и лошо расположение и ќе го снабди организмот со антиоксиданти, железо, магнезиум и калиум. Се препорачува да се јаде и спанаќ, кој е одличен извор на калциум, железо и други минерали, како и витамини од Б-комплексот и витамин А. Витаминот А и Б-комплексот благотворно делуваат на здравјето на кожата и помагаат во превенцијата од акни кои, исто така, може да се придружен симптом на ПМС.
