Редовната столица е еден од знаците на здравјето. Додека некои лица извршуваат голема нужда неколку пати дневно, на некои не им е ниту секојдневна појава. Може да каже дека констипацијата, односно запекот во последно време стана симптом на модерното време и забрзаниот начин на живот.
Кога едно лице има проблем со запек, единствено размислува како да го реши проблемот.Но, сигурно и сте се запрашале дали нередовното одење во тоалет за да се изврши голема нужда, е опасно по здравјето.
За почеток, предупредуваат стручњаците, важно е да се знае дека од запек не се умира, ниту пак може да експлодираат цревата, како што мислат некои.
“Нашите црева се како цевки, и тоа цврсти. Запекот станува опасен кога ќе дојде до целосен застој на цревната содржина, а тоа обично се случува кај лица кои имаат здравствени проблеми, како на пример Паркинсонова болест“, вели д-р Џон Вајт.
Тој вели дека во просек, повеќето луѓе не извршуваат голема нужда секој ден.
“Поголем процент од луѓето, тоа го прават неколку пати во неделата. Се тоа зависи од навиките на човекот. Ако не сте биле по голема нужда три дена по ред, тоа не треба да ве загриѓува. Но, ако немате цела недела, тоа може да доведе до сериозни здравствени проблеми, а симптомите знаат да бидат многу болни“, потенцира д-р Вајт.
Тој советува пред да се побара лекарска помош, да се обиде да се надмине состојбата со консумирање сливи или друг благ лаксатив, но нагласува тоа да не биде повеќе од два пати, а најмалку да стане рутина.
Студии во Велика Британија и Шведска покажале дека речиси сите пациенти извршуваат голема нужда помежу три пати дневно и три пати во неделата. Тој период се смета за нормален распон.
Познато е дека многу фактори кои не се знак за болести влијаат на зачестеноста на подвижноста на цревата, вклучувајќи го внесот на течности, телесна активност, исхрана, старост и социјални фактори, како што е нелагодноста која на луѓето им пречи на одат во тоалет додека се на работа.
