Сврбењето на анусот создава потреба за постојано чешање, кое е најсилно после одење во тоалет или во текот на ноќта. До сврбеж може да дојде поради долготрајно седење или како резултат на реакција на одредена облека.
Овој проблем се јавува кај многумина, но, за жал, ретко е тема на разговор. Некои се срамат да го признаат проблемот, некои се навикнуваат на симптомите и очекуваат да помине само од себе. Темата е можеби непријатна, но симптомите се конкретни: болка во анусот, осетливост и пецкање. Важно е да се реагира што побргу за да се ослободите од нив.
Причини за свраб на анусот
Додека кај возрасните е резултат на повеќе фактори, кај децата глистите се главната причина за појава на непријатните симптоми. Непријатниот симптом, како што е чешањето во областа на анусот, може да се појави поради неколку причини:
Психички нарушувања – понекогаш тегобите во овој дел може да бидат поврзани со стрес или анксиозност;
Сува кожа – може да ја иритира областа околу анусот и да предизвика непријатни симптоми;
Рак – во помал број на случаи, проблемите на анусот се резултат на бенигни или малигни тумори;
Лекови – свработ може да биде резултат на антибиотици кои можат да доведат и до дијареја;
Фистули и анални абразии – мали пукнатини во анусот, кои настанале поради присилното празнење, а поради кои може да се појави крвавење, како и болка;
Хемороиди – или набрекнати вени, кои често се јавуваат поради напрегање при вршење на голема нужда;
Габични инфекции – најчесто ги погодуваат жените и предизвикуваат иритации;
Одредени намирници – може да го изиритираат анусот за време на празнењето како што се агруми, домати и чоколадо;
Заболувања на кожата – егзема, псоријаза и себореја може да предизвикаат иритација на аналното и генитално подрачје;
Иритацијата, како и сврбежот може да бидат резултат на воспаление или проктитис, што може да предизвика и безболно крвавење. Проктитисот обично се јавува како последица на улцеративен колитис или Кронова болест, а може да се третира со антибиотици. Присуството на бактерии се открива со лабораториски наод, а понекогаш е потребна и колоноскопија. Ако докторот се посомнева на воспаление, не само што ќе земе примерок од столицата, туку, исто така, ќе го прегледа и ректумот.
Лекување
Иако оваа состојба најчесто не бара интервенција на лекар, таа ќе биде потребна ако не можете сами да ја утврдите причината за непријатноста и ако чешањето потрае подолго од неколку недели. Лекувањето ќе зависи од причината, а може да вклучи хируршко лекување, самопомош и лекување на болеста. Може да вклучува и маст со цинк оксид, антихистамини и крема со хидрокортизон.
Кога не ви треба лекарска интервенција, тоа значи дека можете сами да си помогнете. Еве неколку практични совети:
Избегнување производи кои можат да ја иритираат кожата – како што се одредени видови на храна и сапуни.
Чистење на критичното место – со помош на памук натопен со вода или влажна тоалетна хартија. По чистењето треба добро да се исуши критичното место или со помош на сува газа или фен за коса.
Памучна долна облека – неопходно е да се носи облека направена од природни материјали и да не е премногу тесна.
Правилна употреба на кремот – пред употреба, консултирајте се со вашиот доктор бидејќи некои креми може да предизвикаат иритација.
Избегнување на тоалетна хартија која содржи боја – наместо парфимирана хартија најдобро е да се користат влажни марамчиња или обична тоалетна хартија.
Природни лекови
- Ако се одлучите за лекување со лековити билки ќе ви помогне кремата од бадеми и невен. Се работи за природни состојки, кои не предизвикуваат негативни ефекти.
- Масло од кантарион – се користи за лекување на хемороиди и може да ја ублажи иритацијата во областа на анусот.
- Намирници богати со влакна – се советува консумирање на намирници богати со влакна, кои ќе придонесат за почесто празнење на цревата.
- Пробиотици – може да пиете јогурт, кој ќе ви помогне да воспоставите pH рамнотежа и да ја смирите иритација.
- Јаболков оцет – помага да се воспостави pH баланс. Измешајте една лажица оцет во чаша вода и испијте ја.
- Кокосово масло – треба да се измасира неколку пати на зафатената област.
- Консумирајте лук – има антисептичко и антибактериско дејство, а за да можете да ги искористите неговите предности, потребно е секој ден на празен стомак да изедете две чешниња.
