Колку пати ви се случило да фатите ритам со тренинзите, и баш тогаш да ве фати настинка и не сте сигурни дали треба да направите пауза и да почекате да оздравете или да продолжите како да не ви е ништо?!
Општото правило вели дека ако симптомите на настинката се јавуваат над вратот (грло, нос, синуси) можете да вежбате, а ако чувствувате проблеми под (бели дробови) тренингот треба да го одложите додека не ви биде подобро.
Примери на болести со симптоми „над вратот се“: настинка, затнат нос, благо воспаление на грлото…
Примери на болести со симптоми „под вратот“ се: болка во градите, болка во мускулите по телото, надразнет стомак…
Истражувачите од универзитетот Ball State утврдиле дека умереното вежбање не влијае на траењето или тежината на настинката.
Имено, една студија објавена во “Annals of Family Medicine” покажала дека умерени аеробни вежби – 30 до 45 минути дневно, како што се прошетка, возење со велосипед или трчање, можат да го преполоват ризикот од респираторни инфекции.
Најдобар совет е да го слушате своето тело и да не претерувате. Ако чувствувате доволно енергија – појдете на тренинг, но бидете внимателни кон другите и внимавајте да не ширите бактерии – кога и да се закашлате или кивнете устата покријте ја, а сета опрема после употребата исчистете ја со средство за дезинфекција.
Ако не се чувствувате добро тогаш на ден или два заборавете на тренинзите, а тоа, секако, нема да влијае на вашите резултати на подолг рок.
