Причината заради која некои жени одбегнуваат користење контрацептивни средства е стравот од несакано дебелеење. Хормоните естроген и прогестерон, кои се наоѓаат во контрацептивните таблети, фластерите и имплантите, во високи дози може да предизвикаат задржување на вишок вода и зголемен апетит.
Впрочем, кога прв пат се појавила таблетата за контрола на зачнувањето, во 60-те години на минатиот век, содржела големи количества од овие хормони и со самото тоа доведувала до дебелеење.
Сепак, денешните таблети содржат значително пониски дози на естроген и прогестерон, а многу истражувања довеле до заклучоци дека не предизвикуваат зголемување на телесната тежина.
И покрај тоа, можно е мал процент жени да доживеат зголемување на тежината после земање контрацептивни средства, па во тој случај е неопходно да се посоветуват со лекар заради изнаоѓање попогодна алтернатива.
Кога е во прашање медоксипрогестеронот приказната е малку поинаква. Се работи за инјекција со големи дози на прогестерон која се дава на секои три месеци заради својата ефикасност. Сепак, зголеменото количество на прогестерон во организмот може да доведе до зголемен апетит и да резултира со дебелеење.
Како што истакнува Денис Ајдова, американски акушер и гинеколог, дури 38 отсто од жените кои користат медоксипрогестерон заради контрацепција ќе искусат зголемување на телесната тежина од 4,5 или повеќе килограми после период од две години употреба.
