Една од најздравите намирници во исхраната е путерот – млечен производ со најмалку 80 отсто млечни масти. Познат илјадници години путерот е потполно природна храна која содржи есенцијални масни киселини, витамини и минерали и не ги менува својствата на високи температури. Главна разлика меѓу маргаринот и путерот е потеклото. Маргаринот настанува индустриски со хидрогенизација на растителни масла, а путерот е млечен производ кој се произведува по природен пат, како и кајмакот и сирењето. Од оваа причина, путерот треба да биде вашиот прв избор.
Покрај тоа, путерот содржи витамини А и Е, како и селен, кој помага во борбата против габичните инфекции. Вазжи за извор на брза енергија и не се таложи во масните ткива. Богат е со витамини кои лесно се апсорбираат. Она што треба да го знаете е дека постојат луѓе кои не смеат да консумираат путер, тоа се децата кои се алергични на протеини од кравјо млеко.
Некои маргарини се збогатени со витамини. Тие се додаваат во процесот на производство, што е далеку понеповолна ситуација од оние во кои витамините се природно застапени во некои производи, како што е случајот со путерот.
Арахидонска киселина, холестерол застапен во путерот, е од суштинско значење за развојот на мозокот и нервниот систем на децата. Од друга страна, предноста на путерот е што може да се пржи на него, за разлика од маргаринот, кој не поднесува високи температури.
На крајот, маргаринот содржи транс масти, а путерот заситени. Транс масти и заситени масти не се исто, а денес секој маргарин има барем мала количина на транс масти, кои настануваат така што течното масло целосно се хидрогенизира и со тоа добивате заситени масти, па сето тоа подоцна се меша со рафинирано течно масло, што значи дека маргарините се вештачки направени од заситени масти.
