Нутриционистите предупредуваат дека се попопуларната веганска исхрана може да доведе до ризик значително да се намали внесот на холин кој главно се наоѓа во намирниците од животинско потекло, се наведува во текстот објавено на угледниот медицински портал BMJ Nutrition, Prevention & Health.
Холинот обично се сместува во Б-комплекс витамините и претставува прекурсорен молекул за невротрансмитерот ацетилхолин, кој има голем број функции, како што се меморијата и контролата на мускулите, особено за време на развојот на фетусот, а исто така, влијае и на работата на црниот дроб.
Холинот се произведува во црниот дроб, но тоа количество не е доволно да се задоволат сите потреби на човековото тело и затоа мора да се зема и преку исхраната. Прехранбениот холин примарно се наоѓа во говедското, јајцата, млечните производи, рибата и пилешкото. Помали количества може да се најдат во јаткастите плодови, гравот и брокулата.
Докторката Ема Дербишер, консултант специјализиран за исхрана и биомедицински науки во организацијата „Nutritional Insight“, смета дека е потребно да се стори многу повеќе на сметка на едукацијата за важноста на исхраната богата со холин, особено за време на бременоста кога неговиот внес е клучен за развој на новороденчињата.
