Сите знаат дека месото, јајцата и млечните производи се одличен извор на протеини, но тие не се единствените што го обезбедуваат организмот со оваа важна макромолекула. Вегетаријанците и веганите, исто така, можат да ги добијат и од грашок и лиснат зеленчук и низа други видови храна. Еве каде има протеини, а не е месо:
Грашок
Мешунките се одличен извор на протеини, а во шолја грашок има околу осум грама. Жените секојдневно треба да внесуваат околу 46 г, а мажите околу 56 г протеини.
Киноа
Повеќето житарки содржат малку протеини, но киноата е посебна затоа што има околу 8 г протеини, но и сите девет есенцијални аминокиселини кои ни се потребни, и тоа само во една шолја.
Јаткасти плодови
Сите јаткасти плодови содржат здрави маснотии и протеини, што ги прави важен дел од исхраната која се темели само на растенија. Околу 30 г бадеми, индиски ореви или ф’стаци имаат околу 160 калории и околу пет до шест грама протеини. Најдобро е да се јадат сурови ореви или печени во суво тавче.
Грав
Преполн со протеини. Две шолји обичен грав имаат околу 26 г протеини, а добар е и конзервираниот грав.
Наут
Наутот може да се јаде пржен, солен или во облик на пире. Само половина шолја наут има околу седум грама протеини, малку калории, а многу влакна.
Тофу
Намирниците направени од соја се меѓу најголемите извори на протеини за вегетаријанци. Пола шолја тофу има околу 15 до 20 грама протеини
Соја
Сојата, која се готви или се приготвува на пареа, па се посолува, содржи околу осум грама протеини во пола шолја. Може да се јаде како предјадење или салата.
Лиснат зеленчук
Зеленчукот нема ни приближно протеини колку што имаат мешунките и јаткастите плодови, но има антиоксиданти кои се добри за здравјето. Две шолји суров спанаќ содржат околу два грама протеини, додека шолја сечкана брокула содржи околу осум грама.
Семе од чиа
Семето од чиа, кое се користи и во исхраната на миленичиња, е едноставен начин за консумирање на протеини. Во шест грама семе има грам протеин. Можете да го додадете во секоја салата или да го измешате во јогурт.
Сусам, семки од сончоглед и афион
Секое семе што го имате во оставата е добар извор на протеини, па дури и оние кои не изгледаат импресивно, како афион или сусам. Семките од сончоглед имаат најмногу протеини – околу седум грама во четврт шолја – додека сусамот и афионот имаат околу пет грама во истиот износ.
Сејтан (глутенска храна)
Сејтанот е јапонска намирница која првенствено е направена од глутен, претежно зачинет и посолен. Само пола шолја сејтан има околу 36 грама протеини. Сејтанот има вкус како пилешко месо.
Млеко од соја, бадеми, коноп или ориз
Млекото од различни растителни извори не е само за оние кои имаат проблеми со лактозата, туку, исто така, можат да го пијат и вегетаријанците. Шолја млеко од соја содржи околу 200 калории и најмногу протеини. Останатите растителни млека имаат далеку помалку протеини – околу еден грам на полна шолја.
Незасладено какао
Ако не сте знаеле, и какаото е извор на протеини. Незасладеното какао – какво што главно се користи за готвење – има околу еден грам протеини во супена лажичка. Бидејќи какаото е горчливо, се меша со горенаведеното млеко кога се подготвува пијалак од него.
