Вегетаријанскиот и веганскиот начин на исхрана можеби го намалуваат ризикот од срцеви заболувања, но затоа носат поголем ризик од мозочен удар, покажала голема студија објавена во магазинот Бритиш медикал. Со студијата биле опфатени 48 000 луѓе кои биле следени во период од 18 години.
Се покажало дека меѓу вегетаријанците и веганите имало десет случаи помалку на корорнарна болест на 1 000 луѓе кои јаделе месо, но и три случаи на мозочен удар.
Студијата ги анализира податоците од EPIC-Oxford истражувањето, долгогодишен научен проект што се однесувал на навиките на јадење и здравјето. Половина од испитаниците во студијата јаделе месо, нешто повеќе од 16 000 биле вегетаријанци или вегани, а 7 500 пескетаријанци, луѓе кои јаделе риба. Нивната медицинска историја, пушењето и физичката активност биле земени предвид за студијата. Пескетаријанците имале 13 проценти помал ризик од корорнарна срцева болест отколку оние кои јаделе месо, додека вегетаријанците и веганите имале за 22 отсто помал ризик. Но, вегетаријанците и веганите имале 20 проценти поголем ризик од мозочен удар. Научниците сугерираат дека тоа може да биде поврзано со ниското ниво на витамин Б12.
