Кога станува збор за хигиената на ушите голем број луѓе и понатаму користат стапчиња за уши. Тие се еден од омилените хигиенски производи и можат да се користат во повеќе цели, но се и големи загадувачи на околината. Велика Британија најави дека до 2020 година во целост ќе биде забранета нивната употреба.
Секоја година во оваа земја се трошат околу 1, 8 милијарди стапчиња за уши, а од тоа 10 отсто завршуваат во одводите. Со цел да се намали зависнота од еднократна употреба на пластиката, британското Министерство за природа, храна и рурални работи, најави дека од април 2020 година на сила ќе стапи забраната за употреба на стапчиња за уши, пластични лажички и цевки.
Место пластични, Британците ќе користат стапчиња направени од рециклиран картон или бамбус. И нивната амбалажа, исто така, ќе биде од рециклиран материјал. Сите промени кои се случија во Велика Британија треба да му послужат како пример на светот и земјите кои сакаат да живеат во склад со природата.
