Антихипертензивот од постарата генерација верапамил, може да ја подобри функцијата на бета-клетките на панкреасот кај заболени од дијабетес тип 1, покажала новата студија. Имено, резултатите покажале дека тој може да ја стимулира функцијата на преостанатите бета клетки кај заболените од дијабетес тип 1.
Верапамил е лек од групата наречена блокатори на калциумовите канали, кој се употребува за третман на аритмии (неправилен ритам на срцето) и висок притисок
Уште од порано е воочено дека пациентите со дијабетес тип 1 и 2, кои се на терапија со верапамил имаат во просек пониско ниво на гликоза во серум на гладно.
Верапамилот е првата терапија, којашто покажала клинички значаен ефект во зачувувањето на функцијата на бета-клетките на панкреасот и производството на инсулин кај дијабетичари со тип 1, изјавиле експертите.
Треба да се напомене дека несаканите ефекти при употребата на верапамил биле благи и дека никој не побарал прекин на лекувањето или намалување на дозата. Единствениот несакан ефект забележан за време на клиничкото испитување била констипацијата, пишува „Nature Medicine“.
