Еритритол, вештачки засладувач кој најчесто се користи во преработените намирници, може да го зголеми ризикот од срцев и мозочен удар, тврди нова студија. Еритритолот е природен шеќерен алкохол кој се наоѓа во голем број зеленчук и овошје. Дури и човечкото тело произведува мали количини на еритритол.
Но, повисоките нивоа на овој засладувач додадени во преработената храна може да го зголемат ризикот од крвни згрутчувања. Луѓето кои имале високо ниво на еритритол во крвта имале двапати поголема веројатност да доживеат срцев или мозочен удар во споредба со оние со најниски нивоа, откриле истражувачите.
Според мислењето на научниците, еритритолот треба да се избегнува во исхраната, особено ако некој е изложен на опасност од кардиоваскуларни болести.
Еритритолот е околу 70% посладок од шеќерот и комерцијално се произведува со ферментирање на пченка. Го има во многу кето намирници и храна без шеќер.
Извор: Nature Medicine
