Кога ќе го исфрлите шеќерот од исхраната и ќе се пуштите во потрага по вештачки засладувачи имајте на ум едно – тие можат да бидат опасни за вашето здравје!
Истражувањето кое го спровеле научниците од Медицинскиот факултет во Висконсин, Универзитет Маркет, покажало дека постои поврзаност меѓу внесот на вештачки засладувачи со зголемувањето на ризикот од гојазност и појава на дијабетес 2.
Експериментот го спровеле врз лабораториски животни, а востановиле дека после само три недели доаѓа до промена на концентрацијата на биохемиските супстанци, преработката на масти и насобирањето енергија во организмот, пишува Нет.хр.
„Вештачките засладувачи успеваат некако да го измамат телото тоа да мисли дека внесуваме калории, а тоа може да влијае на производството на инсулин“, истакнал главниот автор на истражувањето Брајан Хофман.
Овие засладувачи имаат мошне негативно влијание и на работата на крвните садови, па заради ова не претерувајте. Користете природни засладувачи, а малку шеќер дневно нема многу да ја „оштети“ вашата линија. Имајте на ум дека се е до умереноста.
