Нова студија објавена во PLOS Medicine сугерира дека лицата кои консумираат многу вештачки засладувачи, особено аспартам и ацесулфам-К, може да се соочат со поголем ризик од рак, па затоа би било препорачливо да се намали нивната употреба.
Лицата кои најмногу користеле вештачки засладувачи имале 13 отсто поголема веројатност дека ќе добијат дијагноза на рак во однос на лицата кои воопшто не ги консумирале.
Ризиците се особено воочени и изразени кај карциноми кај кои се смета дека обезноста игра улога – вклучувајќи рак на дојка, рак на дебелото црево и рак на јајчници.
Некои претходни лабораториски истражувања сугерираат дека вештачките засладувачи може да поттикнат рак – веројатно на тој начин што допринесуваат за хронично воспаление во телото и оштетување на ДНК или влијаат на составот на бактерии во цревата.
