Наспроти популарното верување, нема причина да се избегнува вежбањето навечер, покажал неодамнешен преглед на научните истражувања за спортот. Вежбањето со умерен интезитет навечер не влијае негативно на сонот. Во најлош случај, изразено енергичното вежабње пред самото легнување во кревет, може да има негативен ефект на сонот, утврдиле швајцарските истражувачи.
Истражувачите со анализирање на 23 студии кои се оденсуваат на оваа тема, заклучиле дека вежбањето четири часа пред спиење не влијае негативно на сонот.
“Ако занимавањето со спорт навечер воопшто има некакво влијание на сонот, тогаш тоа е позитивен, но благ ефект“, потенцира Кристина Шпенглер, директорка на Лабораторијата за физиологија на вежбањето во Цирих.
Комбинирајќи ги податоците од различни истражувања, научниците покажале дека лицата кои имале спортска активност навечер, поминале 21,3% во длабок сон. Лицата без физичка активност навечер минале 19,8% во длабок сон. Иако разликата е мала, статистички е значајна, потенцираат научниците, бидејчи фазите на длабок сон се особено важниза физичкото опоравување на телото.
Единствен исклучок, кога станува збор за физичката активност навечер и влијанието на сонот е интензивниот тренинг. Според овој преглед, ова е единствена форма на вежбање која може негативно да влијае на квалитетот на сон.
