За да се постигнат видливи резултати, потребно е да се вежба барем два-три пати неделно. Предноста на аква аеробикот во бањата е во тоа што може да се прави во било кое време од денот, независно од сезоната.
Правила за вежбање – На дното од кадата ставете гумена простирка за да не се лизгате. Не вежбајте во вода во која претходно сте ставиле пена за капење. Не вежбајте со полн стомак.
Начин на вежбање – Наполнете ја кадата со топла вода, опуштете се и мирно лежете неколку минути. После тоа следува вежбање во траење од 10 минути.
- Фатете се со рацете за ивицата од кадата, полека подигнете ја десната нога, потоа лесно свиткајте го коленото и привлечете го кон градите. Истото направете го и со левата нога.
- Во седечка положба, со нозете буткајте кон спротивната страна од кадата. Ако кадата е многу голема, ставете некој предмет кој ќе ви послужи за пружање на отпор.
- Подигнете ја едната нога високо, опфатете ја со двете раце и привлечете ја кон себе. Истото тоа правете го и со другата нога.
- Додека седите, испружете ги нозете и подигнете ги рацете над главата. Навалете се нанапред трудејќи се да ги допрете прстите на нозете со раце. Секоја вежба повторете ја пет пати.
