Постојат работи кои ги правите секојдневно, а не знаете дека се штетни по здравјето. Еве дел од навиките кои не влијаат најдобро врз вашето здравје…
Вежбате премногу често
Се разбира, вежбањето е одлично за вашето здравје и тоа, секако, не можеме да го негираме. Меѓутоа, дури и со вежбањето може да се претера, особено ако не му дозволите на вашето тело период во кој ќе се одмори од напорните вежби.
Имате работа на која постојано седите
Знаеме дека овде не може многу да направите, но она што можете да го смените е да се обидете повремено да станете, да се истегнете и малку да прошетате.
Се будите премногу доцна
Многу научни студии досега покажале дека луѓето кои спијат предолго имаат и поголем ризик да заболат од депресија.
Поради тоа, се препорачува да станувате што порано, но и порано да одите на спиење затоа што треба да спиете најмалку шест часа за да му овозможите квалитетен одмор на вашето тело.
Пречесто ја миете косата
Косата, по правило, би требало да ја миеме еднаш или двапати неделно. Многу луѓе забележуваат дека косата се масти многу побрзо од вообичаеното, па затоа ја мијат косата почесто – можеби дури и секој ден.
Но, она што не го знаат е дека косата им се масти поради претераното миење. Во случај да ја миете косата секој ден или секој втор ден, треба да престанете да го правите тоа. Проблемот е што претераното миење на косата го стимулира скалпот да лачи повеќе маснотија, која воедно ја масти и нашата косата. Покрај тоа, се јавува и првут.
Земате премногу витамини
Не станува збор за витамини од храната, туку за туку витамински додатоци. Со оглед на тоа што живееме со забрзано темпо, често не стигнуваме правилно да се храниме, па се вртиме кон витаминските додатоци, кои главно ги земаме во форма на таблети или капсули. Иако се здрави, мора да се земаат умерено. Многу луѓе претеруваат, а тоа воопшто не е добро.
