Доколку доста време поминувате пред компјутерот голема е веројатноста дека често ќе патите од симптомот на уморни очи. Сепак, со воведување вежби во вашата дневна рутина можете да ги ублажите тегобите.
- Вежба – промена на фокусот
Оваа вежба би требало да се прави додека седите. Кажипрстот од едната раката ставете го на растојание од 10-20 см пред очите и фокусирајте го погледот на овој прст. Додека го држите погледот на прстот полека придвижувајте ја раката подалеку од себе. Потоа на момент фокусирајте се на некоја точка во далечина. Вратете го погледот на кажипрстот и полека привлечете ја раката во првобитната положба. Повторно фокусирајте се на некоја точка во далечина. Повторете ја вежбата три пати.
- Вежба – фокус на близина и на далечина
И оваа вежба како и претходната се прави во седечка положба, а се повторува пет пати. Палецот од едната рака поставете го на 30 см пред лицето и гледајте во него 15 секунди. Потоа пронајдете предмет или точка на далечина од околу 5 м пред вас и држете го фокусот 15 секунди. На крајот погледот вратете го на палецот.
- Вежба – осумка
Додека седите концентрирајте се на точка на подот на околу 3 м од вас. Потоа почнете со погледот да „исцртувате“ т.е. да следите замислена осумка на подот. После 30 секунди сменете ја насоката на „исцртување“ на осумката и уште 30 секунди правете ја оваа вежба.
- Вежба т.е. добра навика
Ако заради која било причина не успевате да ги направите овие вежби во текот на денот, навиката до која би било добро да се држите е на секои 20 минути да гледате во некоја точка која е на околу 5 м оддалечена од вас и тоа во траење од 20 секунди.
