Треперењето на очниот капак само по себе не е редок феномен, но тоа не значи и дека е безначаен. „Службеното име“ му е блефароспазам или миомикрија на окото, а се работи за присилно затреперување на очниот капак со неконтролирана контракција на мускулите, па е резултат на иритација на нервните завршетоци во капаците.
ДА ТРЕПЕРИ МОЖЕ И ДОЛНИОТ И ГОРНИОТ КАПАК
Подеднакво се јавува и во долниот и во горниот очен капак, чувството е мошне непријатно, а најчеста причина се стресот и премореноста или, пак, изложеноста на ветар или студ. Сепак, ако симптомите упорно се јавуваат повеќе месеци и имате чувство дека се се почести, тоа можеби треба да ви биде знак дека треба да појдете на лекар. Исто така, доколку чувството на треперење се шири и на други делови од лицето и доколку го следи отекување, тогаш треба веднаш да побарате совет на лекар за да елиминирате евентуални сериозни здравствени проблеми.
Овие состојби како симптом може да имаат „играње“ на окото, а додека некои се помалку опасни и полесно се лекуваат, други бараат дијагноза и терапија:
Висок крвен притисок
Под влијание на наглите промени во крвниот притисок може да дојде до иритација на очниот нерв, заради што очниот капак почнува неконтролирано да се грчи. Затоа доколку ви се случува често да ви „игра“ окото измерете си го притисокот.
Синдром на хроничен замор
Се нарекува болест на модерното доба, а за разлика од оправданата исцрпеност го карактеризира замор кој трае подолго од шест месеци, болни лимфни жлезди. Пред да се постави дијагнозата синдром на хроничен замор треба да се исклучат сомнежите дека е во прашање некоја друга конкретна болест. А како најчеста причина се наведуваат анемијата и нискиот крвен притисок. Оние со постојано чувство на замор и играње на капакот треба да го проверат и нивото на шеќер во крвта, хормонот на штитната жлезда, половите хормони, како и да направат комплетна крвна слика.
Недостаток на магнезиум
При недостаток на овој минерал чести се грчевите по целото тело, а не само во капаците. Придружни симптоми се главоболка, проблеми со спиењето, а со додаток на магнезиум земајте и витамин Б.
Алкохолизам
Кај играњето кое настанало како последица од мозочно оштетување, до симптоми доаѓа заради неправилна работа на нервите. Ако се престане со консумацијата состојбата може да се поправи, но последиците често остануваат во поблаг облик. Освен тоа „играње“ може да се јави и заради претерано внесување на кофеин.
Паркинсонова болест
Се работи за болест, односно пореметување на движењата заради намалување на лачењето на хемиската супстанца допамин во делот од мозокот кој има важна улога во контролата на волевите движења. Кога е ова причина тогаш има треперење и на други мускули во телото.
Пореметување на штитната жлезда
Хормоните кои се под влијание на оваа жлезда влијаат на работата на нервниот систем, како и на метаболизмот. Ако тие хормони не се во рамнотежа може да дојде до срцебиење, треперење на капаците, промени во тежината.
Ако станува збор за минливи треперења кои немаат огрански причини самите можете да се обидете да ги запрете овие непријатни контракции. Погледнете го видеото во продолжение и ќе откриете како:
