Што претставуваат модриците кои се јавуваат без причина и што може да преземете за повеќе да ги нема?
Модрицата е последица на помала повреда на крвните садови под површината на кожата. При оштетување од нив се излива мала количина на крв, која резултира со позната виолетово – зелено – црна модрица.
Зошто некои луѓе се подложни на појава на модрици по рацете, нозете и остатокот од телото? Еве дел од причините…
Полова разлика
„Не е фер, но тоа е вистина: жените многу полесно „заработуваат“ модрици од мажите. Мажите имаат подебела кожа и повеќе колаген, што делува како подобра заштита на крвните садови од оштетување“, објаснила д-р Кори Фишер, семеен лекар на клиниката Кливленд.
Стареење
Со стареењето кожата се истенчува и крвните садови се попорозни, што може да предизвика појава на модрици кои не сме ги очекувале. Како што се истенчува кожата, така се губат колагенот и маснотиите кои ги штитат крвните садови. Крвните садови ја губат и еластичноста, па полесно се оштетуваат.
Употребувате лекови за разретчување на крвта
„Овие лекови се користат за лекување на аритмии и згрутчување на крвта, и тоа е едноставно објаснување за необјаснетите модрици“, појаснува д-р Фишер и напоменува дека причината може да бидат и други лекови кои имаат ист ефект, како што се аспиринот или ибупрофенот.
Земате антидепресиви
Некои од студиите покажале дека лековите кои се користат за лекување на депресија и слични нарушувања можат да влијаат на процесот на згрутчување на крвта.
Недостаток на витамини
Недостатокот на витамин Ц и К може да предизвика ненадејна појава на модринки, но ако живеете во област каде што се јадат квалитетни, органски одгледани намирници, не припаѓате во оваа група на луѓе.
