Сите сме искусиле колку е непријатно да се консумира лук, па да се зборува со луѓето. Ако го јадат сите проблем нема, но ако е во прашање само една личност тогаш е „страшно“. Непријатниот здив се создава само од свеж кромид, ако е термички обработен тогаш нема непријатна ситуација.
Постојат неколку намирници кои ќе ви помогнат да се „изборите“ со лошиот здив:
Магдонос
Магдоносот од дамнина е познат како одлично средство за неутрализирање на непријатните мириси од устата. Се што треба да направите е да земете неколку ливчиња и добро да ги изџвакате, така што сокот ќе биде распространет по целата усна шуплина.
Нане
Делува како и магдоносот, а и се консумира на истиот начин. Освен тоа оваа билка ќе го поттикне варењето и ќе го смири желудникот, што не е лоша опција после празничното прејадување.
Ротквички
Имаат антибактериско дејство и познати се како одличен освежувач на здивот. Со оглед на тоа дека периодов ги има во изобилство грев е да не ги грицкате.
Лимон
Ќе ве спаси од лошиот мирис на кромидот на прстите, но и во устата. Тоа не значи дека треба со него да го протриете јазикот, туку сосема доволно е да направите појака лимонада без шеќер и да ја проматкате низ устата. Во лимонадата добро е да изрендате и малку коричка за дејството да биде подобро.
Кардамом
Станува збор за зачин кој делува на сличен начин како и ротквичките. Заради антибактериските својства одличен е за освежување на здивот. После оброкот ставете неколку семки во устата и полека џвакајте.
Зелен чај
Важи за добар елиминатор на лошиот здив. Пијте го со мед и мирисот ќе исчезне.
Сенф
Сенфот ќе го неутрализира мирисот на кромид ако во устата ставите една лажичка и го маткате околу една минута. Плукнете, па повторете ја постапката, но овој пат сенфот голтнете го. На крајот измијте ја устата со вода.
Млеко
Млекото е познато како одличен неутрализатор на лошиот здив. Би требало да го пиете за време, но и по оброкот. Полномасното млеко е подобро од оние со помалку маснотија.
Јаболка
Јаболката, без оглед на тоа дали се свежи или, пак, станува збор за сок, помагаат во освежувањето на здивот. Едноставно после оброк земете едно јаболко и непријатниот мирис ќе исчезне.
