Доколку се јават отоци на нозете секогаш се претпоставува дека станува збор за бременост, повреда или целодневно стоење на нозе на работното место. Но медицинската пракса покажува дека во многу случаи отечените нозе зборуваат за нешто друго. Понекогаш точно е дека тоа значи дека нозете треба да се одморат или да се освежат со ладен туш за отокот да спадне, но не е секогаш така. Постојат многу посериозни причини. Доколку нозете почнат да ви отекуваат без причина, тоа може да значи сериозно заболување во организмот.
Остеоартрит
Остеоартритот е најчестата форма на артрит и во нозете може да предизвика болка, ограничена подвижност и отоци. Постојат неколку начини за намалување на болката при остеоартрит, а докажано е дека јогата во најголем процент помага при таквата состојба.
Срцева слабост
Симптомите на срцевата слабост едвај се забележливи, а отоците на нозете се еден од нив. Според Американската асоцијација за срце, еден од симптомите на срцева слабост е задржувањето на вода во телото, односно создавањето отоци. Задржувањето на течности може да причини појава на отоци на нозете, на стапалата или на зглобовите.
Целулит
Целулитот е инфекција на кожата и длабоките ткива. Има различни теории за тоа зошто се појавува целулитот. Најверојатно причината за тоа е нарушување на циркулацијата во лимфниот систем. Иако целулитот може да се појави на кој било дел на телото, вообичаено ги засега нозете и може да доведе до дуење на кожата и чувство на топлина при допир.
