Повеќе или помалку сите сме се нашле во слична ситуација. Ќе се скараме со саканата личност и потоа седиме во тишина на маса и се нервираме, се живцираме и на тоа како другата личност џвака.
Луѓето на кои искрено тоа им оди на нерви и во нив предизвикува секакви реакции, имаат психичко пореметување, кое се нарекува мизофонија, а е потврдено и во истражувањето, спроведено на Универзитетот Њукасл.
Мизофонија (селективна чувствителност на звукот) е состојба во која одредени звуци ги излудуваат луѓето до таа мера што предизвикаат гнев, иритација, гадење или, во екстремни случаи, насилство.
Абнормалности во мозокот
Како пореметување е категоризирано во 2011 година и е објаснето како омраза спрема звуците на џвакање, консумирање храна, гласно дишење, па дури и притискање на пенкалото. Се што влегува во оваа шема, луѓето кои страдаат од ова нарушување, ги вади од такт, пишува „Current Biology“. Научниците направиле многу тестови на мозоците на луѓето кои страдаат од мизофонија и заклучиле дека постојат одредени звуци кои делуваат како „прекинувачи“ за различни луѓе.
Во нивните мозоци научниците забележале одредени абнормалности во центарот за емоционална контрола. На кратко, тоа значи дека луѓето ќе бидат под голем стрес кога ќе слушнат одредени „прекинувачи“. Тогаш им се забрзуваат срцевите отчукувања и се зголемува потењето.
