Постојат луѓе кои под ниту еден услов во уста нема да стават спанаќ, брокула, блитва, кељ и сл. – некои одбиваат да ги консумираат овие намирници затоа што не им се допаѓа вкусот, а други затоа што едноставно нивниот дигестивен систем не може да ги свари овие намирници.
Според истражувањето направено на Универзитетот во Кентаки, постои еволуциска причина зошто ова се случува и всушност луѓето кои не ги сакаат овие намирници се носители на редок ген.
Резултатите од истражувањето покажале дека некои луѓе наследуваат две копии од генот ТАС2Р38, кој ги „шифрира“ рецепторите за вкус, па зелените зеленчуци ги чувствуваме како помалку или повеќе горчливи и непријатни. Проблемот се појавува кај оние кои имаат една копија од овој ген. Нивниот јазик всушност, ги регистрира овие вкусови како хемикалија, а слично е и со дигестивниот систем. Нашите далечни предци, односно далечните предци на луѓето во најголем број имале по една копија од истиот ген, кој им помагал да не консумираат отровни растенија и плодови. Од истата причина денеска има луѓе кои не можат да го поднесат вкусот на пиво или какао. Одговорот е во тоа што нашите предци проценувале дали нешто е отровно или не според степенот на горчината. Дури и рефлексот на гадење од листест зелен зеленчук зависи од овој ген.
Дилемата е како да се натерате го консумирате овој зеленчук, ако е познато дека е мошне здрав!?
Една од препораките е да го замаскирате во други јадења, да го блендирате и да го мешате со други овошја и зеленчуци. Од друга страна, ако сепак не можете да ги „сварите“ овие намирници, подобро е најдете соодветна замена.
