Сите сме имале моменти кога многу ни се јаде нешто благо, солено, или пак мрсно. Еве што всушност на организмот му недостасува!
Недостаток на магнезиум
Доколку ви се јаде чоколадо, според научниците, тоа е знак дека имате хроничен недостаток на магнезиум. Потребите за овој минерал растат во стресни ситуации, а неговиот недостаток ќе го надоместите со консумирање на јаткасти плодови, семки и зелен лиснат зеленчук. Оо друга страна, во 100 грама темно чоколадо се наоѓаат дури 176мг магнезиум, што е половина од препорачаната дневна доза. Затоа, доколку изберете чоколадо, изберете црно.
Недостаток на сол
Доколку имате потреба постојано да пиете кафе или чај, тоа е знак дека во организмот недостасуваат важни нутриенти како фосфор, сулфур, сол и железо. Недостатокот на фосфор ќе го надоместите со консумирање на јајца, риба, млечни производи и пилешко, додоека недостатокот на сулфур ќе го регулирате преку јајца, лук, кромид, зелена салата и авокадо. Додека недостатокот од сол ќе го регулирате со јаболков оцет или морска сол, железото ќе го надоместите со спанаќ, блитва, цвекло, црн дроб.
Недостаток на калциум
Потребата да јадете масна и зачинета храна ( чипс, помфрит), стручњаците го објаснуваат како недостаток на калциум, Тој се наоѓа во млекото, јогуртот, сардината, лосоотс и брокулата, па затоа потрудете се овие намирници да ги воведете во секојдненото мени. Калциумот, како што е познато, влијае на правилниот раст на коските и на нивната издржливост, а неговиот недостаток може да предизвика бројни здравствени проблеми.
