Кога тоа и ќе се случи, трае кратко, но е интензивно, но не е поврзано за други здравствени проблеми, а се нарекува иницијална ортостатска хипотензија (ИОХ).
Ново истражување нуди некои едноставни вежби што можете да ги користите пред самото станување од столица, ако ве мачи ваков проблем, а тие би можеле да донесат олеснување на лицата на кои ги мачи вртоглавица при станување, а не вклучуваат лекови или дополнителни трошоци.
Клучот е во та да се активираат мускулите на долниот дел на телото пред самото станување од столица. Додека научниците во минатото се занимаваа и со проучување на идејата на луѓето да им се помогне штом станат и им се сврти, со малку успех, оваа нова студија се занимавала со прашањето на превентива – како може да се спречи вртоглавицата пред да дојде до проблемот.
“Се работи за едноставни, ефикасни и бесплатни интервенции кои пациентот може да ги користи за да превенира симптоми на ИОХ“, велат во извештајот авторите на студијата.
Во истражувањето биле вклучени 22 жени кои се соочувале со овој проблем и тие ги пробувале овие две вежби:
Пред секое станување, колената да се подигнат 30 секунди и потребно е нозете да се држат прекрстени 30 секунди откако ќе станете.
Научниците ги следеле отчукувањата на срцето и го мереле крвниот притисок со временска разлика. Пациентите ги истакнувале симптомите што ги доживеале, па и вртоглавицата. Во споредба со група која станувала без користење на вежби, наведените вежби многу им помогнале кога е во прашање на спречување на намалување на притисокот, а и ги олеснувале симптомите.
“Бидејќи се работи за физичко движење, едноставно го вклучува долниот дел од телото, а пациентите можат да влијаат на тоа во секое време за да ги спречат симптомите“, додава научникот Надија Шеик од Канада. Се смета дека ИОХ се должи на “отворањето“ на крвните садови, што е последица на станувањето. Затоа, овие вежби би можеле да послужат како контра-реакција.
Денес, околу 40 проценти од луѓето во светот се чини дека страдаат од овој проблем и за нив не постои достапен третман. Досега најдобриот совет беше да станувате многу бавно за да ги спречите последиците.
