Непотребно е постојано да се напоменува дека за здраво срце е важно да се одржува крвниот притисок на нормално ниво. Но, што ако лекарот ви каже дека на сте на сама граница и дека ви се заканува хипертензија? Доколку не мора да пиете лекови, туку само сте предупредени да гоконтролирате притисокот и малку да ги промените животните навики, ви предлагаме неколку совети кои може да ви помогнат.
Не станува збор за типични домашни напитоци или храна, туку за необични можности кои даваат импресивни резултати.
Излезете на сонце
Сите знаеме дека сонцето може да предизвика предвремено стареење на кожата, како и рак на кожа, но дали сте знаеле дека сонцето е потребно и за здравјето: Стручњаците тврдат дека витаминот Д е важен нутриент кој го јакне имуниот систем, коските, го подобрува расположението и го намалува ризикот од одредени видови на карцином. Зошто е добро да се изложиме на сонце поради крвниот притисок? Бидејќи му помага на телото при генерирање на азотниот оксид, гас кој ги шири крвните садови и така предизвикува намалување на крвниот притисок.
Гушкајте се
Со секоја прегратка, човек добро се чувствува, но со гушкањето може да се намали и крвниот притисок. Според научните студии, прегратката е потребна за производство на хормонот – окситоцин поради кој се чувствуваме добро. Студиите велат дека окситоцинот помага во намалување на ефектот на симпатскиот нервен систем кој влијае на стеснување и проширување на крвните садови.
Земете анти-стрес топче
Доколку изненадниот пораст на притисокот е предизвикан од психичка возбуда или стрес не е исправно да се лекува со лекови за висок притисок, туку е исправно да се намали нивото на стрес и возбудата, доколку е можно. Како и што кажува самото име, анти-стрес топчето ќе помогне да се смират нервите и да се ослободите од стресот.
