Поголемиот внес на протеини може да ни помогне доколку сакаме да ги изградиме мускулите, да загубиме некој килограм и воопшто да бидеме сити подолго после оброк. Некои поранешни истражувања покажале дека исхраната богата со протеини помага во регулацијата на нивоата на триглицериди и вкупниот холестерол во крвта, како и дека се намалува потребата за брза храна и слатки. Протеините дури и го намалуваат ризикот од мозочен удар, како и ризикот од губење мускулна маса кај постарите личности.
Меѓу намирниците кои се најбогати со протеини спаѓаат:
- Семки од тиква (12,5 г протеини во 50 г семки);
- Семки од сончоглед (11 г на 50 г семки);
- Говедско месо (26 г на 100 г месо);
- Пилешки и мисиркини гради (30 г на 100 г месо);
- Сардини (24 г на 100 г сардини);
- Пастрмка (23 г на 100 г риба);
- Овесни снегулки (17 г на 100 г снегулки);
- Јајца (едно поголемо јајце содржи 6 г протеини);
- Младо сирење (12,5 г протеини на 100 г сирење);
- Грав (околу 10 г протеини на 100 г варен грав);
- Леќа (9 г на 100 г варена леќа).
