Хилдегард фон Бинген живеела пред 800 години. Германска монахиња, католички мистик, писателка, композитор и жена позната по своето познавање на билките и нивната исцелителна моќ. Како што се развивала модерната медицина, така рецептите на Бинген паднале во заборав. Во продолжение ви го претставуваме рецептот на Хилдегард фон Бинген за срце, стар 800 години. Шармот на овој рецепт е дека е многу едноставен, а оние кои го пробале велат дека помага.
Потребни состојки:
- 10 свежи стебленца од магдонос
- 1 литар домашно црно или бело вино
- 2 лажици вински оцет
- 300 г природен мед
Подготовка:
Магдоносот се става во литар домашно вино и се додаваат 1 до 2 големи лажици чист вински оцет.
Се вари 10 минути на тивок оган (внимавајте на пената). Потоа додадете 300 г чист мед и оставете го на тивок оган да се готви уште неколку минути. Виното процедете го и додека е уште топло ставете го во шише кое е добро измиено. Добро затворете. Талогот што се создава не е штетен и слободно може да се пие.
Употреба:
Пијалакот се користи секојдневно по една кафена лажичка. Пред употреба, доколку користите лекови, консултирајте се со својот доктор.
