Антителата кои ги создава телото како одговор на опасни микроби како SARS-CoV-2, се клучни за одбраната од болести. Многу од нив може да се закачат на патогените и да ги победат, пред да ги нападнат ранливите клетки на човекот. Антителата може да послужат и како доказ дали некој веќе бил заразен со коронавирусот SARS-CoV-2.
Иако позитивниот серолошки тест може да каже многу за минатато, тој не може да ја предвиди иднината. Истражувачите се уште не знаат дали антителата можат да спречат некој друг да се зарази по втор пат. Или ако можат, колку долго трае таа заштита. Вистината е дека имунолошкиот одговор, како оној кој може да се мери на тестовите на антитела, не го прави лицето отпорно на болеста.
“Некои мислат дека имунитет гарантира 100 процентна заштита и дека веќе никогаш нема да се заразат. Да се има имунитет само значи дека вашиот имун систем реагира на нешто, а не тоа колку е подготвен вас да ве заштити “, предупредува Рајчел Грахам, виролог на Универзитетот во Северна Каролина.
ДВЕ ЛИНИИ НА ОДБРАНА
Антителата привлекуваат најголемо внимание, но тие не се единственото оружје со кое телото се штити против напаѓачите. Кога патогенот ќе се инфлитрира во телото, имуниот систем поставува две линии на одбрана. Во одбрана на организмот прво застанува вродениот имунолошки одговор кој го напаѓа било кој натрапник кој не наликува на човечка клетка со нормален изглед. Следува побавен, но конкретен адаптивен имунолошки одговор, кој телото телото го прилагодува на својствата на инфективниот микроб.
Овој втор бран вклучува антитела кои произвеле т.н. Б-клетки. Некои антитела се можно оружје кое ја ограничува способноста на микробот да се прилепо и влезе во клетките, додека други, едноставно го означуваат микробот или инфицираните клетки како би ги уништиле други делови на имуниот систем.
“Тие неутрализирачки антитела се потребни за борба против повеќето патогени кои ги опкружуваат луѓето“, објаснува вирологот Сали Палмер од Универзитетот Дјук.
Иако антителата имаат краток животен век, а исчезнуваат од крвта по неколку недели или месеци, имуниот систем задржува некои Б-клетки кои ги произведуваат. Ако се вратат истите бактерии, овие фабрики на клетки ќе соберат голем број противтела за водење на втора битка.
“Но, антителата сами по себе не се доволни да ја стопираат инфекцијата. Треба оркестар од одговори за да навистина бидат ефикасни“, вели Диана Грифин, имунолог во Школата за јавно здравје на Универзитетот Џон Хопкинс.
НЕМА ДОБРА ОДБРАНА БЕЗ Т-КЛЕТКИ
Од разговорот за имунитетот често се изоставаат Т-клетките.
“Не може да има одличен огодовот на антителата, без Т-клетките“, вели Акико Ивасаки, виролог и имунолог од Универзитетот Кеил. Меѓу низата корисни функции, Т-клетките им помагаат на младите Б-клетки да созреат во машини за производство на антитела, и тие работи одат рака под рака, додава таа.
“Студии за други коронавируси, вклучитено оние кои предизвикуваат МЕРС и САРС, покажуваат дека Т-клетките имаат составна улога во елиминирање на болеста“, потенцира Стефани Лангел, имунолог на Универзитетот Дјук, која вели дека истото би важело и за SARS-CoV-2.
АНТИТЕЛАТА НЕ СЕ СЕМОЌНИ
Дури и најчувствителни лабораториски испитувања имаат свои ограничувања, а пронаоѓањето на антитела против SARS-CoV-2 не е гаранција дека тие молекули квалитетно ќе го одбранат телото или дека лицето ќе биде заштитено од повторна инфекција.
Дури и антителата со познати неутрализирачки моќи не се семоќни. Имунологот Дона Фабер од Универзитетот Колумбија вели дека некој пациент со високо ниво на неутрализирачки антитела во крвта, се уште подлегнуваат на КОВИД-19. Тоа е уште една најава дека и други делови на имуниот систем се потребни како би се победила оваа болест.
Лице кое закрепнало од првата средва со новиот патоген како што е SARS-CoV-2, може да помине еден од неколкуте имунолошки патишта, а ниту еден од нив не води кон целосна заштита од втора инфекција.
