Вишокот килограми не влијае единствено само на лимитирање на одредена облека и на самодовербата – туку може да биде и симптом за сериозни здравствени проблеми.
Сало на стомакот: Кога вишокот килограми не се рамномерно распределени, а најмногу се таложат во пределот на стомакот, тоа може да биде симптом за кардиоваскуларни заболувања. Покрај отпорноста на инсулин, доаѓа до таложење на масните наслаги во пределот на стомакот, што понатаму доведува до висок крвен притисок, висок холестерол и поголем ризик од дијабетес тип 2.
Јадете премногу слатко: Прејадувањето со слатко доведува до зголемени килограми кои може да предизвикаат бројни заболувања, најчесто во метаболизмот. Гојазноста исто така може да предизвика и дијабетес.
Недостаток на енергија: Недостатокот на енергија проследен со нагло пореметување на телесната тежина може да биде симптом на проблеми со штитната жлезда.
Депресија: Според некои истражувања, гојазноста предизвикува и депресија, што доведува до хроничен замор.
Стрес: Болки во телото, но и зголемување на телесната тежина, можат да бидат предизвикани од зголемен кортизол – хормон на стресот.
Проблеми со дишење во текот на ноќта: Прекумерната тежина влијае и на прекини во дишењето за време на спиењето – состојба позната под името „слип апнеа„.
