Научен тим од Универзитетот на Тексас ги претставил резултатите од анализа направена над древни трупови, и тоа од неколку различни места на планетата, а кои биле со една заедничка особина – сите починале од атеросклероза.
Телата биле пронајдени во Јужна Америка и Блискиот Исток, а биле стари околу 4.000 години. Најмладиот починат имал околу 18 години, а највозрасниот бил на возраст меѓу 55 и 60 години. Истражувачите откриле посебни супстанции во нивните артерии и така добиле информации за составот на ткивото. Анализата покажала дека сите починале поради огромно количество атеросклеротични наслаги, откритие кое докажува дека вишокот маснотии и холестерол во крвта, како заболување, го следат човекот уште од древноста.
Засега не е можно да се утврдат причините за заболувањето, но претпоставките говорат за различни инфекции, но и за генетиката на овие древни луѓе. Атеросклерозата денес може да се појави поради неактивен и нездрав начин на живот или поради неправилна исхрана. Ова откритие покажува, уште еднаш, дека физичките активности и храната можеби се главниот фактор за долговечноста кај луѓето.
