Градите по доењето честопати знаат да бидат виснати и да го изгубат својот волумен. Зошто се случува тоа и како да се спречи проблемот?
ДА, можно е да ги вратите во првобитната форма, но само ако сте упорни.
Секоја новопечена мајка знае дека доењето е многу важно за здравјето на нејзиното дете и за формирањето на неговиот имунитет, но знае и дека преку него се создава посебна врска помеѓу мајката и детето. Она што е проблем е тоа што градите по доењето може да виснат толку многу што нема да можат да се вратат во нивната првобитна форма и големина.
Се разбира, постојат исклучоци затоа што тоа сите жени се различни и не мора да значи дека ако вашата мајка имала виснати гради откако завршила со доење, дека истото ќе ви се случи и вам. За среќа, некои жени успеваат да го вратат убавиот изглед на градите и после доењето.
Причини поради кои градите виснуваат
Иако мислите дека градите виснуваат само поради доењето, овој процес започнува уште на почетокот на бременоста. Некои од можните причини се растегнување на лигаментите кои ги поврзуваат градите со мускулите што ја зголемува големината на градите. Со други зборови, градите виснуваат поради преголемиот притисок врз лигаментите, и со тек на времето ја губат еластичноста.
Кога ќе се роди бебето, млечните жлезди се полнат со млеко и градите стануваат уште потешки. Да, тие се враќаат во првобитниот облик, но кај некои жени овој процес може да потрае извесно време. Исто така, виснувањето на градите зависи и од возраста на мајката. Жените во доцните триесетти години брзо ќе ја изгубат еластичноста, како и оние кои пушат, пијат алкохол и газирани пијалаци.
Совети за враќање на волуменот и подигнување на градите
Носете добар градник
Еден од клучните чекори за спречување на виснувањето на градите е добар градник кој се препорачува да се носи дури и додека спиете. Мора да биде памучен, удобен, со правилна големина и добро да ги поддржува градите. Изберете го оној со пошироки ремени за да може полесно да ја задржи тежината.
Вистинска позиција за доење
Да, положбата на ‘рбетот е многу важна во доењето. Седнете рамно и опуштено и избегнувајте поместување. За да го подигнете бебето на нивото на градите, користете перниче за доење.
Вежбајте
Вежбањето не е корисно само за губење на трудничките килограми, туку и за зајакнување на градите. Немојте веднаш да се фрлите на кревање тегови, туку одете, пливајте или вежбајте јога, а особено обрнете внимание на градните мускули.
Масирајте ги градите
Одлична рутина за враќање на еластичноста е комбинацијата на топол и ладен млаз вода при туширање. Со масирање ќе ја подобрите циркулацијата на градите, ќе ги затегнете и тонирате
Мачкајте се
После туширање задолжително намачкајте се со млеко за тело или некој хидратантен лосион богат со витамин Е.
Јадете одредена храна
Дури и храната може да го спречи виснувањето на градите и тоа оние намирници кои се богати со протеини и сложени јаглехидрати. Додека доите, јадете повеќе овошје и зеленчук и намирници со низок процент на заситени масти.
