Се позачестеното користење на дигиталните медиуми, а паралелно со тоа и се пореткото движење, негативно се одразува на држењето, особено кај децата, предизвикувајќи пред се, болки во вратот – подрачје помеѓу лопатката и рамената.
Позицијата на телото што се завзема при гледање во екрани, односно наведнувањето на главата и вратот нанпред во однос на остатокот од телото, кое официјално се нарекува протракција, како и лесното наведнување на главата на страна, влијае на тоа како телото на детето понатму ќе се развива и ќе расте, предупредуваат педијатрите.
Тие поради зачестеноста на ваквите здравствени тегоби во својата пракса воведоа и нов термин – text neck – кој означува болки во вратот и грчеви кои настануваат токму поради постојаното наведнување на главата надоле.
Имено, статистичките податоци покажуваат дека веќе при благо свиткување на главата нанапред, за само 15 степени, вратот се оптеретува како на него да сте ставиле товар од 27кг, а повторувањето на исти активности нужно доведува до дегенеративни промени на ‘рбетот.
Денес, секој трет човек на возраст до 25 години, пати од болки во вратот, рамената и рацете поради користење на мобилен телефон и компјутер, а многу млади лица се лекуваат од ишијас кој некогаш бил болест на средната и постарата возраст.
Целиот ‘рбет е обложен од двете страни со многу силни мускули – еректори, кои го поддржуваат јадрото. Ако тие мускули не се активни, што се случува додека седиме, со тек на времето слабеат и на крајот предизвикуваат болка во ‘рбетот. Намалувањето на времето кое се минува гледајќи во екрани, е првиот чекор кој ќе спречи идни непријатности и воспаленија, а добро е да се знае и дека држењето на телефонот на висина на очите помалку го напрега вратот.Исто така, подобро е да се кува со две, наместо со една рака, оти тоа помалку го оптоварува палецот, кои во спротивно и куца и го придржува телефонот.
