Најновото истражување на американски научиници покажало дека високиот крвен притисок е поопасен за жените отколку за мажите. Според лекарите, хипертензијата кај жените треба да се лекува порано и поагресивно, отколку кај мажите. Нивното истражување потврдило значителни разлики во механизмите кои предизвикуваат висок крвен притисок кај жените во споредба со мажите.
Медицинската јавност сметаше дека високиот притисок е едно исто за двата пола и лекувањето го базираше на тоа. Ова е прво вакво истражување кое ги зема предвид половите при изборот на антихипертензивни лекови, вели раководителот на истражувањето Карлос Ферарио. Тој додадава дека додека смртноста кај мажите од срцевите болести е намалена во последните 20 години, истото не може да се каже и за жените.
За целта на истражувањето 100 мажи и жени на возраст од над 53 години кои не го лекувале високиот крвен притисок биле испитувани преку разични специјализирани тестови кои покажувале дали срцето или крвните садови имаат основа улога за зголемувањето на притисокот. Тестовите ја мереле хемодинамиката, силата и учеството на циркулирањето на крвта, како и хормоналните карактеристики на механизмот за развој на хипертензија кај мажите и жените.
Научниците потврдиле дека има меѓу 30 и 40 % повеќе срцеви болести кај жените во споредба со мажите, вклучително и високиот притисок.
