Бремените жение кои развиваат преeклампсија -состојба во која се јавува опасно висок крвен притисок имаат три пати поголем ризик од деменција подоцна во животот, во споредба со жените кај кои не се појавило такво пореметување во бременоста, велат научниците.
Водечката причина за предвремено породување – прееклампсијата е воспалително пореметување на крвните садови кое се јавува кај 2 до 10% од трудниците, обично по 20-тата недела. Освен висок притисок, таа состојба може да предизвика и абнормално високи нивоа на протеини во урината и задржување на течности.
На основа на здравствени податоци од повеќе од милион жени во Данска, научниците откриле дека најголемиот зголемен ризик кај жените кои имале прееклампсија е од развивање на т.н. васкуларна деменција за која се верува дека предизвикува низа на мали мозочни удари или намален доток на крв во мозокот.
Ризикот од Алцахјмерова болест – друг вид на деменција, е незначително поголем во споредба со жените кои немале прееклампсија.
“Собравме доволно докази дека ефектите на прееклампсијата по здравјето на жената не се ограничени на бременоста. Сега знаеме дека прееклампсијата треба да се смета за маркер за зголемен ризик од васкуларна смрт подоцна во живото. Свеста за тоа е се поголема“, вели авторката на студијата Хедер Бојд од Институт во Копенхаген.
