Во кои митови за студеното време и зимата треба да престанете да верувате уште денес?
- Мит 1 – Не треба да вежбате на ниски температури
Вежбањето и тренирањето на ниски температури, всушност ги подобрува перформансите и ви помага да согорите повеќе калории за помалку време.
- Мит 2 – Во зима нема опасност од алергии
На луѓето кои се склони кон алергии во зима може да им се влоши состојбата. Можеби нема полен, но алергијата на ладно не е необична појава.
- Мит 3 – Во зима не ви треба крема за сончање
Точно е дека во зима има помалку сончеви денови, но сепак, сме изложени на сончево зрачење. Покрај тоа, мразот и снегот може да рефлектираат и до 80% од штетните УВ зраци, па не заборавајте да ја заштитите кожата со соодветни креми!
- Мит 4 – Витамин Ц е превенција од настинки
Точно е дека витаминот Ц го брани вашиот организам, но да се потпрете само на него за да се заштитите од настинка и грип – е погрешно. Треба да внимавате на целокупната исхрана и начин на живот во зима.
- Мит 5 – Алкохолот ќе ве загрее
Алкохолот предизвикува крвта од вашите витални органи да „пребегне“ во кожата поради што ви се чини дека сте се загреале, но на тој начин, всушност, температурата на вашето тело се намалува.
