Речиси 91 % од потрошувачите ја фрлаат храната поради рокот на употреба напишан на пакувањето. Но, не е сe како што изгледа. Никој не сака да се отруе од храна, но не сака и непотребно да ја фрла истата. Ова се некои објаснувања по тоа прашање.
Законот не бара секоја храна да биде обележана со рок на употреба. Во многу случаи производителите го прават тоа по свое убедување. Генерално, храната склона на расипување, како месо, живина, јајца и млечни производи, добива рок на траење. Но, тие датуми не секогаш значат дека производот ќе се расипе. Некои датуми едноставно ги информираат трговците за тоа кога нивните продукти се најпогодни за продажба во однос на свежина, вкус и состав.
Типот на етикети варира:
- „Се продава до” датумот укажува колку долго продавницата може да чува одреден производ на полиците. Но храната е се уште уште вкусна и безбедна за јадење и неколку дена по поминувањето на овој датум, доколку се чува правилно.
- „Најдобро е да се искористи до“ датумот е изгравиран од страна на производителите. Продуктот ќе биде најсвеж и ќе има најдобар вкус и состав доколку го јадете до овој датум. Но ова не се однесува на безбедноста на храната.
- „Да се користи до” датумот, исто така, е наложен од страна на производителот. Тоа е последниот датум на кој производот ќе има врвен квалитет. По овој датум, вкусот, составот и квалитетот може да се намалат, иако храната е безбедна за јадење.
- Датумот на „истекување“ е единствениот датум на пакувањето поврзан со безбедноста на храната. Доколку овој датум е изминат, фрлете ја храната.
Се уште сте збунети или загрижени? Искористете ги следниве правила за храната во вашиот фрижидер.
- Млекото е вообичаено безбедно за пиење два или три дена по истекот на датумот кој е напишан на етикетата. Чувајте го во фрижидер на најниска температура.
- Путерот по купувањето може да се јаде две до три недели.
- Маргаринот четири до шест месеци по купувањето.
- Јајцата се безбедни за јадење три до пет недели по купувањето. Чувајте ги во задниот дел од фрижидерот, каде температурите се најниски, наместо до вратата.
- Пилешкото и меленото месо траат еден до два дена по купувањето.
- Зготвеното пилешко би требало да биде безбедно за јадење три до четири дена.
- Рибата трае еден до два дена во фрижидерот по купувањето.
- Сувомеснатите производи се безбедни за јадење три до четири недели без да се отворат. Искористете ги во период од три до четири дена по отворањето.
- Сувите тестенини траат една до две години по купувањето.
- Конзервираните овошја и зеленчуци имаат неограничен рок на траење. Но тоа правило не важи доколку ги изложите на температури повисоки од 32 степени или температури на мрзнење. Внимавајте и на оштетувањето и ‘рѓосување на пакувањето.
