Сите знаеме за здравствените придобивки од белиот лук, но дали сте слушнале или можеби сте пробале црн лук? Имено, белиот лук онаков каков што отсекогаш го знаеме има своја „црна“ конкуренција.
Таканаречениот црн лук е се повеќе популарна намирница со карактеристична арома. Не станува збор за друг вид на лук, туку за посебен начин на преработка. Црниот лук е, всушност, обичен лук, кој со ферментација се претвора во деликатес. Идејата за ферментација на лукот потекува од Азија, а во последните неколку години се шири и низ светот.
Црниот лук настанува со природна ферментација на свеж лук, кој мора одредено време да „одлежи“ во контролирани услови (во зависност од производителите, ферментацијата трае од еден до неколку месеци)
Како резултат на ензимски и други природни хемиски реакции, лукот ја менува бојата и го губи мирисот, бидејќи со ферментацијата се уништува алицинот и алинот, карактеристични состојки на лукот поради кои има интензивна арома. Со исчезнувањето на овие состојки се губат и нивните лековити својства, но експертите тврдат дека по ферментацијата, лукот, сепак, ги задржува повеќето други лековити материи, заслужни за кардиопротективна, антитромботска и имуномодулаторна функција.
Покрај сулфурната компонента, лукот е преполн со ензими, витамини од Б групата, протеини, сапонини, флавоноиди и многу други супстанции, кои го прават вистински предизвик за истражување.
Црниот лук има благ, слатко-кисел вкус и неутрален мирис, па не предизвикува непријатен мирис после јадење.
Процес на добивање на црн лук
- Гурманите од целиот свет се изненадени од фактот дека црниот лук е тој кој на јадењата им дава специфичен вкус, овозможувајќи им да станат вистинска рапсодија на мирис и вкус.
- Црниот лук има невообичаена текстура, вкус и боја и се добива преку едноставен природен процес, стар над илјада години – со ферментација.
- Лукот содржи шеќер и аминокиселини, кои во процесот на ферментација произведуваат меланоид, темна материја која е одговорна за бојата на црниот лук.
- Магијата се случува во внимателно контролиран процес.
