Се проценува дека на годишно ниво загадувањето на воздухот е одговорно за 3,7 милиони случаи предвремена смрт во светот. Таканаречените „фини честички“ од загадениот воздух се опасни по здравјето затоа што продираат длабоко во белите дробови и го зголемуваат ризикот од респираторни болести, додека истовремено се влошуваат симптомите кај кардиоваскуларните и невролошките тегоби.
Неодамнешната студија направена од страна на група американски истражувачи покажала дека со земање на додатоци со витамини од Б-комплексот би можело значително да се намалат тегобите кои ги предизвикува загадувањето. Резултатите покажале дека овие витамини ги намалуваат негативните ефекти од загадувањето на срцевиот ритам, како и уништувањето на белите крвни зрнца.
Ова е уште една во низата студии кои го потврдиле значењето на витамините од Б-групата, овие витамини се клучни за здравјето на нервниот систем, како и за здравјето на кожата, косата и ноктите.
Еве кои намирници се најбогати со овие нутритиенти, односно со витамини од Б-комплексот: зелениот зеленчук, овошјето, месото од живина, мешунките и интегралните житарки.
