Жените кои имале спонтан абортус имаат поголема веројатност да забременат доколку имаат соодветно ниво на витамин Д, покажала новата студија која била спроведена на 1 200 жени со историја на спонтани абортуси. Резултатите од истражувањето покажуваат дека витаминот Д има заштитна улога во бременоста.
Инаку, претходните студии покажале дека ин витро фертилизацијата (ИВФ) е поуспешна кај жени со повисоко ниво на витамин Д.
Ова истражување покажало дека жените со доволно ниво на витамин Д, 30 ng/ml или повеќе, имаат 10 отсто поголеми шанси да забременат и 15 проценти поголема веројатност дека ќе родат живо бебе отколку жените со ниско ниво на витамин Д.
Меѓу жените кои забремениле, секое зголемување на нивото на витаминот Д за 10 ng/ml пред забременувањето било поврзано со 12 отсто помал ризик од спонтан абортус.
Според експертите, потребни се дополнителни истражувања за да се утврди дали додатоците на витамин Д може да го намалат ризикот од загуба на бременоста кај жените со висок ризик за спонтан абортус, наведува „The Lancet Diabetes&Endocrinology“.
