Последните истражувања покажуваат дека витаминот Д не може да се метаболизира без доволно ниво на магнезиум, што значи дека витаминот Д останува неактивен кај 50 проценти од луѓето. Голем број луѓе земаат додатоци на витамин Д, но не се свесни дека без потребното ниво на магнезиум, витаминот Д, всушност, не е од корист.
Треба да се има на ум дека консумацијата на додатоци на витамин Д може да го зголемат нивото на калциум и фосфати, дури и ако нивото на витамин Д е недоволно. Проблемот е во тоа што поради ова може да се развие васкуларна калцификација доколку нивото на магнезиум не е доволно високо за да ја спречи оваа компликација.
Инаку, на лицата со оптимално ниво на магнезиум им се потребни мали количини на суплементи на витамин Д за да постигнат задоволително ниво на витамин Д. Магнезиумот, исто така, ја намалува остеопорозата, помага да се намали ризикот од фрактури на коските што може да се препише на ниското ниво на витамин Д.
Недостатокот на витамин Д или магнезиум е поврзан со разни нарушувања, вклучувајќи ја и деформацијата на коските, кардиоваскуларни болести и метаболички синдром.
Препорачаната дневна доза на магнезиум за мажи е 420 мг, а за жени 320 мг. Просечната исхрана содржи само околу 50 проценти од споменатиот износ, така што се проценува дека дури половина од населението не консумира доволно магнезиум во својата исхрана.
Пониско ниво на магнезиум имаат луѓе кои консумираат преработена храна со високо ниво на рафинирани житарки, масти, фосфати и шеќери.
Намирници богати со магнезиум се бадемите, бананите, гравот, брокулата, кафеавиот ориз, индиските оревчиња, жолчката од јајце, рибиното масло, лененото семе, зелениот зеленчук, млекото, печурките, други јаткасти плодови, овесните снегулки, семките од тиква, сусамот, сојата, семките од сончоглед и житарките со цели зрна.
