Испитувањето на поврзаноста на нивото на витамин Д во крвта со дијабетес тип 2 објавено на Универзитетот Сан Диего, покажало исклучително превентивно влијание што овој витамин го има врз ова многу распространето заболување.
Од разни истражувања веќе е познато дека ниското ниво на витамин Д во крвта носи бројни здравствени ризици, како и дека овој витамин превентивно делува во случаи на бројни современи заболувања. И претходни истражувања укажувале дека доволното ниво на витамин Д е поврзано со помал ризик од дијабетес, но ова што го открило новото истражување е речиси неверојатно.
Со следење на 900 испитаници во студија која опфаќала период од 12 години, истражувачите утврдиле дека на долги патеки, доволното ниво на витамин Д е поврзано со речиси 80 % случаи помалку. Конкретно, истражувањето покажало дека меѓу лицата со ниво на витамин Д во крвта над 30нг/мл имало само третина слуачи на дијабетес, во споредба со група на испитаници чие ниво на витамин Д во крвта било под 30нг/мл.
Кај лицата кај кои концентрацијата на витамин Д била над 50нг/мл, имало за пет пати помалку случаи на дијабетес во однос на лицата со најниска концентрација на витамин Д (20нг/мл и помалку), односно за 80 % помалку.
Иако ова истражување претставува неверојатно откритие, треба да се има предвид дека нивото на витамин Д не е единствен ризик фактор кога станува збор за дијабетес тип 2.
