КИСЕЛА ЗЕЛКА
Сите истражувања потврдуваат дека зелката по содржината на витамин Ц може да се мери со лимонот и портокалот. Покрај тоа, киселата зелка е огромен извор на витаминот Б6, без кој белковините воопшто не би можело да бидат искористени. Исто така, киселата зелка е извор и на витаминот Б3, потребен за клеточна енергија, целокупниот метаболизам, содржи панотенска киселина (витамин Б5), неопходна за клеточна енергија и здрава коса. Ефикасно делува и на органите за варење, желудникот и цревата. Консумирањето кисела зелка помага на функцонирањето на срцето и крвотокот, спречува атеросклероза, го нивелира нивото на шеќерот во крвта, а може да спречи и појава на тромб. Меѓу другото, поттикнува и добро расположение.
ЦВЕКЛО
Како и секоја останата суперхрана, цвеклото содржи многу антиоксиданти и е богато со железо, бор и фолна киселина. Беталаинот кој на цвеклото му дава темна боја, е уште посилен антиоксидант, отколку полифенолите. Научниците се надеваат дека сите благодати на цвеклото, може да им помогант на луѓето да увидат како одредени чести болести, како висок крвен притисок, може да се спречат со балансирана исхрана. Цвеклото поради своите позитивни здравствени ефекти е прва прехранбена ѕвезда.
