Еден од највкусните и најздравите намази кои постојат, секако, е путерот од семки од тиква. Не треба да се меша со путерот од тиква кој се прави од вкусното месо од овој зеленчук. Станува збор за многу поздрава алтернатива од путерот од кикиритки, вкусот е побогат, а текстурата помека и дозволува полесно размачкување. Може да се користи на многу начини – одличен е кога ќе се намачка на леб, но и кога се додава во супи, сосови и разни јадења на кои им дава побогат и попрефинет вкус.

Со него може да добиете и здрави грицки – макајте со стапчиња свеж морков или целер во овој путер и ќе уживате во секое залче. Одлично се комбинира и со салати, ориз, различен зеленчук… За посладок вкус во него може да додадете и малку мед, па и децата ќе го обожаваат.

Путер од семки од тиква за здравје

Полн е со важни минерали, меѓу кои магнезиум, фосфор, манган, железо, бакар, селен и цинк. Исто така, е одличен извор на витамин Е, чувар на блескавата и младешка кожа.

Го намалува лошиот холестерол

Органскиот путер од семки од тиква содржи и фитостероли кои помагаат во намалувањето на лошиот холестерол. Со самото тоа се чува здравјето на срцето и крвните садови.

Го зајакнува имунитетот

Заради одличниот состав и материи кои се неопходни за нормално функционирање на организмот, путерот од семки од тиква помага да го поткренете имунитетот на повисоко ниво.

Одличен е за мажите

Важи за една од најдобрите намирници за мажите затоа што го чува здравјето на простатата и го спречува губењето на косата.

Чувство на ситост

Путерот од семки од тиква е полн со протеини, па спаѓа во омилената храна на вегетаријанците и веганите. Заради добрите нутритивни вредности, овој путер и после мало изедено количество, долго ќе ве држи сити.

Стрес, лош сон, болки во коските

Содржи големо количество аминокиселина триптофан, која помага во намалувањето на стресот и го подобрува квалитетот на сонот, ги ублажува симптомите предизвикани со артритис и го подобрува здравјето на кожата.

Слабеење

Она што, исто така, е важно е тоа дека путерот од семки од тиква содржи малку калории – една лажица има само 80, па е одличен избор за луѓето кои сакаат да уживаат во добриот вкус, но и да ослабат.

Расположение

Содржи глутамат, кој помага во регулирањето на осцилациите во расположението.

Го регулира инсулинот

Научно е докажано дека состојките од семките од тиква помагаат во регулирањето на нивото на инсулин, што е одлично за спречување  или ублажување на симптомите на дијабетес. Безбеден е и претставува одлична алтернатива за луѓето кои имаат алергии на оревести плодови.

Рецепт за домашен путер од семки од тиква

Приготвувањето на домашниот путер од семки од тиква не може да биде поедноставно – се што треба да направите е во блендер или сечко да ги ставите исчистените семки и да ги пасирате долго, односно се додека не се претворат во кремаста смеса.