Храната богата со влакна има бројни здравствени придобивки. Влакната освен што не заситуваат и претставуваат моќно оружје во борбата против вишокот килограми, богати се и со антиоксиданти, подолго го задржуваат чувството на ситост и го регулираат варењето.
Што се влакната?
Влакната се составен дел од растителната храна што нашето тело не може да го свари. Ги има во овошјето, зеленчукот, житарките… Порано се сметало дека растителните влакна се бескорисен дел од свежите намирници, кои само го намалуваат нивниот квалитет. Денес се знае, а стручната јавност тоа го потврди со многу трудови и студии, дека растителните влакна во многу придонесуваат за здравјето на организмот и помагаат во превенцијата од многу болести.
Стручњаците велат дека не внесуваме доволно влакна
Иако влакната можат да се внесуваат со прехраната ние не ги внесуваме доволно. Истражувањата покажуваат дека просечна возрасна личност внесува околу 10 до 15 грама влакна дневно – што е околу половина од препорачаниот дневен внес. Жените би требало да се обидат да внесуваат најмалку 21 до 25 г влакна дневно, додека таа бројка кај мажите изнесува 30 до 38 г дневно.
Влакната и слабеењето
Растворливите влакна во контакт со вода создаваат желатинозна маса, која привлекува многу штетни материи. Оваа маса, исто така, ги привлекува и шеќерите и маснотиите од храната. Истражувањата покажале дека луѓето кои внесуваат големи количества растворливи влакна се повитки и помалку подложни на насобирање вишок килограми.
Фактот дека растворливите влакна привлекуваат шеќери и маснотии значи дека тие го намалуваат нивото на шеќер и триглицериди во крвта.
Здравствените придобивки од храната богата со влакна се бројни. Тие се и богати со антиоксиданти, подолго го задржуваат чувството на ситост и го регулираат варењето. Исто така, прехраната богата со влакна го намалува нивото на холестерол и шеќер во крвта. Заради тоа не прават сити, помагаат во полесно слабеење и неизбежен дел се од здравите диети. Го забавуваат варењето, а токму тоа спречува големи скокови на концентрациите на шеќер во крвта кои можат неколку часа подоцна да го покренат чувството на глад. Растворливите влакна ги има во зобта, мешунките и јаболката, во желудникот создаваат гел кој делува како препрека меѓу храната и желудочната киселина која ја варат. Кога оброкот се вари полека и нивото на шеќер во крвта полека се покачува, па затоа подолго останувате сити. Со сето наведено, денес е и научно докажано дека недостатокот на влакна во исхраната води до вишок килограми.
